Ռոբերտ Քոչարյանն ու Սերժ Սարգսյանը շնորհավորել են Վլադիմիր Պուտինին
«Ռոբերտ Քոչարյանը շնորհավորե՞լ է Վլադիմիր Պուտինին՝ նախագահի ընտրությանը տարած հաղթանակի կապակցությամբ»,- NEWS.am-ը դիմել է ՀՀ երկրորդ նախագահի գրասենյակի ղեկավար Բագրատ Միկոյանին։ «Այո, նախագահ Քոչարյանը երեկ շնորհավորել է նախագահ Պուտինին՝ ստացած համաժողովրդական աջակցության և ՌԴ նախագահի պաշտոնում վերընտրվելու կապակցությամբ»,- հարցին ի պատասխան նշել է Բագրատ Միկոյանը:
ՀՀ երրորդ նախագահ, ՀՀԿ նախագահ Սերժ Սարգսյանը շնորհավորական ուղերձ է հղել Վլադիմիր Պուտինին` ՌԴ նախագահի ընտրություններում համոզիչ հաղթանակի առթիվ, մաղթել նրան քաջառողջություն, երջանկություն և նորանոր հաջողություններ պատասխանատու պետական պաշտոնում, իսկ Ռուսաստանի եղբայրական ժողովրդին՝ խաղաղություն, կայունություն և բարօրություն:
Այս մասին հայտնում են ՀՀ երրորդ նախագահի գրասենյակից։
