«Չեմ բացառել և չեմ բացառում, որ դելիմիտացիայի գործընթացը կարող է սկսվել Տավուշի մարզից»․ Փաշինյան
Չեմ բացառել և չեմ բացառում, որ դելիմիտացիայի գործընթացը կարող է սկսվել Տավուշի մարզից: Այս մասին ասուլիսի ժամանակ հայտարարեց Նիկոլ Փաշինյանը:
Նրա խոսքով, բանակցային գործընթացներում երբեմն եղել է տպավորություն, թե մենք կարող ենք որոշակի իրողությունները հաշվի առնելով, տարածքների որոշակի փոխանակումներ անել:
«Բայց ես տեսնում եմ, որ նման հնարավորությունները մեծ չեն, կամ դա կարող է դեֆորմացնել գործընթացը: Եվ այդ պատճառով առաջիկայում մենք պետք է գործողություններ անենք հետևյալ տրամաբանությամբ՝ պետք է կոմունիկացիները կառուցենք այնպես, որ բոլոր կոմունիկացիաներն անցնեն ՀՀ տարածքով»,- ասաց նա:
Նա ասաց, որ առաջիկայում այցելություն կունենա Տավուշի մարզ՝ տեղում խնդիրներին ծանոթանալու համար:
«Այս պահին մենք որոշումներ չունենք»,- շեշտեց Փաշինյանը:
Փոխանցում է MediaHub-ը
