Տավուշից գյուղերի հանձնման կործանարար հետևանքները ողջ Հայաստանի համար. Գառնիկ Դանիելյանի անդրադարձը

Ադրբեջանական կողմի պահանջները բավարարելու դեպքում, այն է Տավուշի մարզի 3 և Արարատի մարզի 1 բնակավայր Ադրբեջանին հանձնելով, Հայաստանը դառնալու է յուրահատուկ մի անկլավ: Ադրբեջանը օղակի մեջ է վերցնելու ՀՀ-ն ամբողջությամբ: Այս մասին հենց Տավուշից ասել է ՀՀ ԱԺ «Հայաստան» խմբակցության պատգամավոր, ՀՅԴ Տավուշի Մարզային կոմիտեի ներկայացուցիչ Գառնիկ Դանիելյանը:

«Փաստացի կազմաքանդվելու է 90-ականներին Տավուշի մարզում ձևավորված պաշտպանական ողջ գիծն ու թշնամին հայտնվելու է խորը թիկունքում: Ադրբեջանական վերահսկողության տակ են անցնելու նաև մի շարք կոմունիկացիաներ: Քանի որ Հայաստան մտնող գազատարն անցնում է Վերին Ոսկեպարի տարածքով: Գյուղի հետ մեկտեղ, նաև գազատարն է անցնելու ադրբեջանական վերահսկողության ներքո»,- նշել է Դանիելյանը:

Ըստ պատգամավորի՝ Հայաստան-Վրաստան ճանապարհի 5 հատվածում տեղակայվելու են ադրբեջանական ստորաբաժանումներ:

Փոխանցում է Yerkir.am-ը