Պուտինը Մարտի 8-ի կապակցությամբ ներում է շնորհել ավելի քան 50 կին դատապարտյալի

ՌԴ նախագահ Վլադիմիր Պուտինը հրամանագիր է ստորագրել 52 կին դատապարտյալների ներում շնորհելու մասին, այդ թվում՝ նրանց, որոնց հարազատները մասնակցում են հատուկ ռազմական գործողությանը։ Այս մասին հայտնում են Կրեմլի մամուլի ծառայությունից։

«Ռուսաստանի Դաշնության նախագահ Վլադիմիր Պուտինը հրամանագիր է ստորագրել 52 դատապարտված կնոջ ներում շնորհելու մասին։ Ներման մասին որոշում կայացնելիս պետության ղեկավարն առաջնորդվել է մարդասիրության սկզբունքներով։

Առաջին հերթին ներում է շնորհվել անչափահաս երեխաներ ունեցող կանանց, հղիներին, ինչպես նաև այն կանանց, որոնց հարազատները մասնակցում են հատուկ ռազմական գործողության»,- ասված է հաղորդագրության մեջ։

Աղբյուրը՝ Aysor.am