«Վահագն Չախալյանն արդարացվեց». փաստաբան

Հիշեցնեմ, որ «Կամք» նախաձեռնության ղեկավար Վահագն Չախալյանը և կազմակերպության անդամներ հունիսին ձերբակալվեցին խմբակային խուլիգանություն վարույթով և բոլորը տարվեցին ՁՊՎ. այս մասին ֆեյսբուքյան ուղիղ եթերում հայտնել է փաստաբան Վահան Հովհաննիսյանը։

Նա հիշեցրել է, որ հետագայում  կազմակերպության անդամներն ազատ արձակվեցին, իսկ Վահագն Չախալյանի դեմ միջնորդություն ներկայացվեց դատարան կալանք կիրառելու համար, իսկ դատարանը մասնակի բավարարեց որոշումը և Չախալյանը ամիսներ շարունակ գտնվում էր տնային կալանքի տակ։

Փաստաբանը նշել է, որ դեպքի բազմաթիվ տեսագրություններում պարզ երևում էր, որ անձի գործողություններում խուլիգանության հանցակազմ չկա։  

«Ամիսներ շարունակ տևող նախաքննությունն ի վերջո եկավ հավաստելու այն, ինչը որ ի սկզբանե պարզ էր, որ Վահագն Չախալյանը հանցագործություն չի կատարելև քննիչի կողմից մնում էր միակ որոշումը կայացնել արդարացման հիմքով քննությունը դադարեցնելու վերաբերյալ և, ըստ էության, Վահագն Չախալյանն արդարացվեց, և հիմա ունի արդարացվածի դատավիճակ»,-հայտնել է փաստաբանը:

Հովհաննիսյանն էական է համարել այն, որ պետությունը մի քանի ամիս ռեսուրսներ և ժամանակ ծախսեց, որպեսզի պարզի այն, ինչ ի սկզբանե պարզ էր և հավելեց, որ պաշտպանական կողմը դիմելու է դատարան՝ Չախալյանին պատճառված բարոյական վնասը փոխհատուցելու նպատակով։

Փոխանցում է Yerkir.am-ը