«Վստահ եմ, որ Ռուսաստանի և Հայաստանի հարաբերություններում դժվարությունները կանցնեն»․ Պեսկով

Ռուսաստանի և Հայաստանի հարաբերություններում դժվարությունները կանցնեն, երկու երկրների համագործակցությունը բացարձակապես փոխշահավետ է։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է ТАСС-ը։

«Ամենամոտ հարևանները կարող են ունենալ մի շրջան, երբ հարաբերությունները կարող են սրվել, բայց դրա համար անհրաժեշտ է քաղաքական կամք, մենք ունենք դա մեր կողմից, կառուցողականություն և հեռատեսություն, երկու երկրների ղեկավարների քաղաքական հեռատեսությունը, մենք էլ ունենք դա մեր կողմից։ Ուստի վստահ եմ, որ այս բոլոր դժվարությունները կանցնեն, Ռուսաստանի և Հայաստանի համագործակցությունը բացարձակապես փոխշահավետ է»,- ասել է Պեսկովը։

Աղբյուրը՝ Yerkir.am