«Ռուսաստանը Հայաստանից որևէ հարցում չի ստացել՝ կապված «Զվարթնոց»-ից սահմանապահ զnրքերի դուրսբերման հետ». Զախարովա

ՀՀ ԱԺ խոսնակ Ալեն Սիմոնյանի հայտարարությունն այն մասին, որ ՌԴ սահմանապահները պետք է դուրս գան «Զվարթնոց» օդանավակայանից, Մոսկվայի կողմից դիտարկվում է որպես պաշտոնական Երևանի ոչ բարեկամական պահվածքի հերթական դրսևորում. այս մասին ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան:

«Այդքան էլ պարզ չէ՝ որքանով է ԱԺ խոսնակը պատասխանատու իր բարձրացրած թեմայի համար: Մենք ՀՀ իշխանություններից որևէ հարցում չենք ստացել այս հարցով: Մենք հասկանում ենք, որ «Զվարթնոց»-ի հետ կապված պատմությունը բխում է ռուսաստանցի Դմիտրի Սետրակովի շուրջ ավելի վաղ արված զրպարտություններից: Ես կարող եմ ձեզ վստահեցնել, որ Ռուսաստանի ներկայացուցիչների կողմից ոչ մի անօրինական գործողություններ չեն կատարվել: Մենք միշտ հարգում ենք ինքնիշխան պետությունների ազգային օրենսդրությունը»,- ասել է Մարիա Զախարովան։

Հիշեցնենք, որ ՀՀ վարչապետ Նիկոլլ Փաշինյանը France 24-ին տված հարցազրույցում անդրադարձել էր Գյումրիում բնակվող ՌԴ քաղաքացի Դմիտրի Սետրակովին ռուսական 102-րդ ռազմաբազայի ռազմական ոստիկանության ծառայողների կողմից ձերբակալման փաստին:

«Ինձ հատկապես անհանգստացնում է Հայաստանում ռուս զինվորների կողմից ռուս դասալիք Դմիտրի Սետրակովի առևանգումը։ Մենք չենք կարող հանդուրժել անօրինական գործողությունները մեր տարածքում։ Հետևանքներ կլինեն, եթե Երևանի պահանջները մնան անպատասխան», – ասել է նա։

Աղբյուրը՝ ABC MEDIA