Շոլցը հեռացել է. Փաշինյան-Ալիև հանդիպումը շարունակվել է երկկողմ ձևաչափով

Մյունխենում տեղի ունեցած Փաշինյան-Ալիև-Շոլց եռակողմ հանդիպման ժամանակ Գերմանիայի կանցլերը ներածական մասից հետո լքել է դահլիճը, որից հետո տեղի են ունեցել Փաշինյան-Ալիև երկկողմ բանակցություններ։ Այս մասին հայտնում են ադրբեջանական լրատվամիջոցները:

Ավելի վաղ հայտնել էինք, որ հանդիպմանը ներկա են եղել նաև երկու երկրների արտգործնախարարները, Գերմանիայում Հայաստանի դեսպան Վիկտոր Ենգիբարյանը և Ալիևի օգնական Հիքմեթ Հաջիևը։

Հանդիպումը քիչ առաջ ավարտվել է:

ՀՀ կառավարությունը հայտնում է, որ  քննարկվել են Հայաստան-Ադրբեջան հարաբերությունների կարգավորման գործընթացը և տարածաշրջանում խաղաղության ու կայունության ապահովմանն ուղղված քայլերը: Պայմանավորվածություն է ձեռք բերվել շարունակել աշխատանքները խաղաղության պայմանագրի շուրջ:

Փոխանցում է YerevanToday-ը