Փողոցից ու հանրային այլ վայրերից՝ լրատվամիջոցներ
Փողոցից ու հանրային այլ վայրերից՝ լրատվամիջոցներ: Ոստիկանության արտակարգ տուգանքների գործընթացի նոր թիրախում են հայտնվել լրատվամիջոցները: Առաջինը՝ «Արմնյուզ» հեռուստաընկերությունն էր:
«Հենց հիմա Արմնյուզում են գտնվում ոստիկաններ՝ հեռուստատեսության դեմ վարույթ հարուցելու ծանուցմամբ։ Դիմակ չկրելու հարցն է առանցքում, հիմնավորումը՝ պարետի որոշումը։ Այնինչ, հեռուստատեսային ոլորտի կարգավորող մարմին ՀՌԱՀ-ից թե բանավոր, թե գրավոր հաստատում ունենք առ այն, որ սոցիալական հեռավորության պահպանման դեպքում դիմակ կրելը կամավոր է։ Ըստ ոստիկանների, նմանատիպ վարույթներ կան նաև այլ հեռուստատեսությունների նկատմամբ։
Լրատվամիջոցների դեմ արշավը սկսված է»,- նշել է հեռուստաընկերության մեկնաբան Լիկա Թումանյանը։
Ուժային կառույցի աշխատակիցները «Արմնյուզ» էին գնացել հեռուստամեկնաբան Աբրահամ Գասպարյանի հաղորդման հետքերով: Մեկնաբան Գասպարյանը հաղորդումը վարել էր առանց դիմակի: Հեռուստաընկերությունն էլ իրավական հիմք է պահանջել, համաձայն որի, միջանձնային հեռավորություն պահելու դեպքում էլ դիմակը պարտադիր է:
Մանրամասները՝ տեսանյությում
