«Առավելագույն փոխհամաձայնության հասել ենք Գագիկ Ծառուկյանի հետ». Մանուկ Սուքիասյան
«Հարց իշխանավորին» հաղորդման տաղավարում հյուրընկալվել է «Առաքելություն» կուսակցության քաղաքական խորհրդի անդամ, «Ծառուկյան դաշինքի» պատգամավորի թեկնածու Մանուկ Սուքիասյանը: Հարցին, թե ինչու է որոշում կայացրել առաջադրվել հենց Ծառուկյան դաշինքով, պատգամավորի թեկնածուն պատասխանում է.
«Առավելագույն փոխհամաձայնության հասել ենք պարոն Ծառուկյանի հետ և առավելագույնս կուսակցության ներուժի ռեալիզացվածության առումով ֆորմատը գտել ենք «Ծառուկյան դաշինքի» շրջանակներում»: Մանուկ Սուքիասյանը վստահություն է հայտնում, որ այն, ինչ Ծառուկյանը կիսատ թողեց 2015 թվականին, ավարտին կհասցնի արդեն 2017 թվականի ընտրություններին.
«Կասկած չկա ինձ մոտ, որ նա իսկապես վարում է ընդդիմադիր գործունեություն»: Որպես դաշինքի գլխավոր նպատակ՝ թեկնածուն նշում է այդ գործընթացի բյուրեղացումը և այդ գործընթացից կրիմինալի, փողի և վարչական ռեսուրսի անջատումը»:
