«Կցանկանայի հավատալ ձեզ, երբ ասում եք, որ կյանքը և մարդկային արժանապատվությունը պետք է պաշտպանված լինեն, բայց Եվրոպան միայն կեղծավորության կողմնակից է»․ Արաղչին՝ Բորելին

Ես կցանկանայի հավատալ ձեզ, երբ ասում եք, որ կյանքը և մարդկային արժանապատվությունը պետք է պաշտպանված լինեն։ Խնդիրն այն է, որ ձեր համաքաղաքացի եվրոպացիներն անխոս աջակցում են Գազայի ցեղասպանությանը և Լիբանանի ջարդերին: Այս մասին, ի պատասխան ԵՄ դիվանագիտական ծառայության ղեկավար Ժոզեպ Բորելի հայտարարությունների, X-ի իր միկրոբլոգում գրել է Իրանի արտգործնախարար Աբբաս Արաղչին։

«Ի՞նչ կասեք Գազայում ավելի քան 50,000 պաղեստինցիների սպանությունը կասեցնելու «ԵՄ միջոցի» մասին: Իսկ ի՞նչ կասեք «ԵՄ միջոցի» մասին, որը թույլ կտա Լիբանանում գտնվող 1,5 միլիոն փախստականներին վերադառնալ իրենց տները: Ի՞նչ կասեք «ԵՄ միջոցի» մասին, որը կօգնի Ջամշիդ Շարմահդի կողմից սպանվածների ընտանիքներին:

Եթե ոչինչ, ապա Եվրոպան միայն կեղծավորության կողմնակից է»,- գրել է Արաղչին։

ABC MEDIA -ն է փոխանցում