ԼՐԱՀՈՍ
29 Oct 2024
Վահագն Չախալյանը շարունակում է նստացույցը
Բաքվում ապօրինի պահվող հայ գերիների ու պատանդների վերադարձ է պահանջում «Կամք» նախաձեռնության հիմնադիր Վահագն Չախալյանը։
Նա արդեն 13 օր է նստացույց է անում Կառավարության շենքի դիմաց։
Չախալյանը ուղիղ եթերի ժամանակ իր խոսքում նշեց, որ արդեն իշխանության որոշ ներկայացուցիչներ սկսել են բարձրաձայնել գերիների հարցը, այսինքն՝ սառույցը տեղից փորձում է շարժվել։
Հիշեցնենք, որ երեկ ԱԱԾ տնօրեն Արմեն Աբազյանը լրագրողների հետ զրույցում նշեց, որ «առաջիկայում սպասվում է գերիների և անհետ կորածների հարցով հանդիպում ադրբեջանական կողմի հետ»։
Վահագն Չախալյանի խոսքով՝ իշխանությունների օրակարգից պետք է դուրս չգա գերիների հարցը, այն պետք է մնա հայկական օրակարգի մեջ։
